Våre satsingsområde

I vår strategi er det peika på fire forretningsområde med store utviklingsmoglegheiter.

Energiteknologi

Innan energiteknologi skjer det mykje spennande, - og regionen kan hauste av mange års erfaring for vidare utvikling. Sunnhordland har verdsleiande testfasilitetar knytt til grøne energiberarar, og gjennomfører blant anna fullskala testar knytt til hydrogen og ammoniakk. Og i Kvinnherad vert det no bygd ny og innovativ grøn industripark med stort potensiale for potensielle investorar.

Marin

Den marine sektoren er regionens største næring. Havfiske og oppdrett har lange tradisjonar her, og aktørane er kjent for kvalitet, nyskaping og nøktern drift med gode resultat. Marin sektor har likevel eit stort potensiale for vidareutvikling, og Invest In Sunnhordland vil bidra til dette arbeidet.

Bioøkonomi

Bioøkonomi er ei relativt ung næring i Sunnhordland. Her ser me stort potensiale og vekstmoglegheiter basert på eksisterande kompetanse, geografi og infrastruktur. Nytt biogassanlegg og fleire i støypeskjeia er døme på at dette er ei næring i rivande utvikling.

Havvind

Sunnhordland har svært godt eigna areal knytt til sjø. Det er gode sjødjupner, kort veg til Nordsjøen og ingen bruer eller høgspentlinjer som er til hinder for enkel transport av havvindmøller til og frå site.